Lamento a tardanza

Pois iso, lamento non tervos tido informados neste tempo das actividades que se desenvolveron ou se están a desenvolver no concello do Porriño.
O motivo, e sei que non serve de excusa, ademais do moito traballo que hai, é que agora contades cunha páxina da Rede de Dinamización, onde poderedes informarvos das actividades que se desenvolven en toda Galicia e como non tamén das do Porriño.
Esta páxina será a que teña a información máis actualizada, así que vos recomendo que a visitedes con asiduidade.
O que non quita que poidamos seguir usando esta bitácora como medio máis directo de comunicación. Eu tratarei, sempre que o volume de traballo mo permita, manter a información actualizada aquí tamén, e informarvos de curiosidades que poidan xurdir no eido das novas tecnoloxías.
Para comezar vouvos facer un pequeno resumo das actividades que realizamos neste período, e o dito sinto ter deixado de lado este espazo.